«Փետրվարիկ». Ինքնաշեն ձեռնոցե տիկնիկներ
Օրը՝ 06.02.2020
Ժամը՝ 11։00֊12։30
Մասնակիցները՝ Քոլեջի 5֊6 տարեկաններ, Անահիտ Գրիգորյան, Էդիտա Ղալաչյան
Նպատակը՝ Երեխաների տեխնոլոգիական-ստեղծագործական գործունեության ստուգատես, թումանայանական օրերի շրջանակում՝ դասարան֊լաբորատորիայում թատերական անկյունի ստեղծման աշխատանքների մեկնարկ:
Խնդիրները՝
- Ներկայացնել-գրանցել երեխաների տեխնոլոգիական հմտությունները / մկրատից, սոսնձից օգտվելու հմտություններ/
- Զարգացնել ստեղծագործական երևակայությունը
- Թատրոն-խաղի միջոցով զարգացնել բանավոր խոսքը
- Զարգացնել խմբով աշխատելու կարողությունները
Նկարագրությունը՝
Սկզբում ձեռնոցը կնկարեն սպիտակ թղթի վրա, կորոշեն, թե իրենց ծանոթ հերոսներից որին են ցանկանում տիկնիկ դարձնել: Գունավոր մատիտներով ձեռնոցի գծապատկերի վրա կնկարեն իրենց պատկերացրած տիկնիկը: Հետո կընտրեն անհրաժեշտ նյութերը և միասին կպատրաստեն ձեռնոց-տիկնիկ, որը կօգտագործեն հեքիաթների և բանաստեղծությունների բեմադրման, խաղի ժամանակ:Աշխատանքն ավարտող երեխաները շիրմայի մոտ կխաղացնեն իրենց տիկնիկը և կներկայացնեն իրենց տիկնիկ-հերոսին:
Անհրաժեշտ նյութերը՝ գունավոր կտորներ, ուլունքներ, թելեր, մկրատ, տաք սոսինձ։
Պատրաստի ֆիլմերը դասվարը կտեղադրի դասարանական բլոգում: